Cyclone biparjoy-in furpui khawih dawn lo ti

Cylcone Biparjoy chuan furpui ruah tla a khawih danglam dawn lo va, India rama ruahtui thlentute engmah khawih buai nasat a nei dawn lo tiin India Meteorological Department (IMD) te chuan an tarlang.
IMD chief Mrutyunjay Mohapatra chuan he cyclone hian southern part peninsula-ah monsoon a thlen hma zawk dawn tiin a sawi a.
“Monsoonal flow nena inzawmna nei lo a ni a. Tun cyclone hian furpui kaihhnawihah engmah khawih danglam emaw nghawng chhia a neih kan ring lo,” tiin a sawi.
A hmain scientists te chuan cyclone chuan hnawng a ken tel nasat avangin Kerala-a monsoon intan tur a tikhawtlaia a ti nasa lo bawk tiin an lo sawi tawh thung a.
Meteorologists te chuan monsoon kal zel tur chu chhim lam piah lam thlengin tun cyclone tleh zawh hnu lamah a intan tak tak ang an ti a. Monsoon hian June 8 khan Kerala-ah bul a tan anga ngaih niin a thlen hun tura sawi lawk aia kar khatin a tlai a ni.
Rsearcher te chuan Kerala-a monsoon intan hnufum avangin northwest India-ah a hnufum ve kher ang tihna a ni lo an ti bawk a. Mahse, Kerala-a monsoon hnufum chuan lohtheihlohin southern States leh Mumbai-ah te a tikhawtlai ngei thina ngaih erawh a ni a.
Scientist-te chuan Kerala-a monsoon hnufum chuan furpui laia ruahtui tla tam leh tlem a nghawng lovang, an ti bawk.
Kumin furpui-ah hian India chuan ruahtui normal-in a dawng tura ngaih a ni a, India furpui tia sawi hi southwest monsoon niin El Nino condition a awm chungin ruahtui a tla tha dawn tho tiin IMD te chuan an sawi a.
El Nino hi South America hnaiha Pacific Ocean tuilum in a thlen niin a tlangpuiin India leh a chhehvelah monsoon wind tichak lovin khawro zawk a siam thin a.
El Nino thlen hma hian a zawn zatin kum thum La Nina tawn tawh a ni a. La Nina hi El Nino opposite ni thungin monsoon season-ah ruahtui tla tha a siam thin thung.
Northwest India chuan below-normal rainfall a tawng tura ngaih a ni a. East leh northeast, central leh south peninsula te chuan normal rainfall 94-106 per cent of the long-period average dawng tura ngaih an ni.
Ruahtui tla long-period average 90 per cent aia hniam hi ‘deficient’ tia sawi niin 90 per cent atanga 95 per cent inkar hi ‘below normal’ tih niin 105 per cent leh 110 per cent chu ‘above normal’ tih niin 100 per cent chung lam chu ‘excess’ tih a ni thung.
Normal rainfall hi India agricultural landscape tan chuan duhthusam niin India-a thlai chinna 52 per cent te chu furpuia innghat bur an ni a. Hei mai bakah hian tui in tur dahkhawmna tikhattu niin power generation siamtu a ni bawk.