Cyclone tuar leh raltlan pui dawn AR sawnchhuah tur tihfel ran tum

Union Home minister Amit Shah chuan Ningani zing khan chief minister Lalduhoma chu telephone-a bia in, Assam Rifles sawn chhuahna tur memorandum of understanding, hun engemawchen Union Home ministry-in an kawl tawh chu hapta khat chhunga tihfel a tum thu a rawn hrilh.Tunhnaia Delhi-a chief minister a zin khan Union Home minister hi a zin chhuah lai a nih avangin an inhmu hman loa. Ziakin Cyclone Remal chhawmdawlna, raltlan chhawmdawlna leh Assam Rifles sawnchhuah thu hi a thehlut a ni. Union Home minister chuan lehkha hi a hmuh ve leh chief minister hi a rawn be nghal a ni.
Cyclone Remal chhawmdawlna leh raltlan tanpuina hi an rawn pe chhuak dawn tih a rawn hrilh a. Assam Rifles sawnchhuahna tura Mizoram sawrkar, Assam Rifles leh sawrkar laipui inremna MoU, hun engemawchen Home ministry-in a kawl tawh chu tuna mutan nia a ngaih thu chief minister hian a lo sawi a. Amit Shah hian kar khat chhunga MoU hi lo chinfel a tum tur thu a hrilh a ni.