Cyclone tuarte sawrkarin a ngaihthah – MNF Thalai

Cyclone tuarte sawrkarin a ngaihthah
– MNF Thalai
Kum kaltaa Cyclone Remal tuartute chu sawrkarin chhawmdawlna a pek tur ang a la pe lo nasa tih MNF Thalai chuan an sawi.
MNF Thalai Hqrs. hruaitute chuan Nilaini khan Aizawl Chhimphei lama 2024 May 29-a Cyclone Remal-in a tihchhiat chu a hmunah an enfiah tih an sawi a. Mizorama sawrkar mek in Chhimphei kawngpui mai ni lo, chhiat tawkte a ngaithah zia an hmu tih an sawi.
‘Cyclone-in kawngpui a tih chhiat, a tihbalte vawiin thlengin sawrkarin a ngaihthah a, a la siam lo hi zin veivakte leh ZMC pantute tan a him lo hle a. Chhiatna lian zawk a thlen leh hma ngeia SASCI project atanga sawrkar laipuiin cheng nuai 13750 a hmuh tur hi dik taka hmang turin kan phut a. Chhimphei Road ZMC panna kawng pawh hi a rang thei ang bera siam turin ZPM sawrkar kan phut a ni,’ an ti.
Cyclone Remal avanga Mizoram sawrkarin chhiatna tuarte chhawmdawlna atana sum tam tak a hmuh tur chu, Rajya Sabha MP Pu K. Vanlalvena’n 2024 July 21-a All Parliamentary leader meeting-a Mizoram harsatna a thlen rah a ni, tiin, central tanpuina Mizoram sawrkarin SASCI project atanga nuai 13750 a hmu chu ropui an ti a, Rajhya Sabha MP an chhuang takzet tih an sawi bawk.