CYMA-in ruihhlo bakah gas leh lirthei tlan enfiah

Central YMA hnuaia Kumpuan Committee chuan ruihhlo do bakah eirawngbawlna gas tihchingpen a nih leh nih loh an enfiah a; zan lama hnamdang lirthei veivak tam thin lutuk an enfiah bawk.
Kumin June 28 atanga July 5 inkar khan CYMA Kumpuan Committee hian heroin hawng 12, TicTac bur 84 bakah ruihna atana hman thin damdawi – Byprenorphine tablet 33, pregabalin tablet 10, addnock tablet 33, alprazelum tablet 19, ruih nana hman khuh damdawi bur 2 leh ganja kg. 3.230 an man.
Ruihhlo kaihhnawiha mihring man mi home/centre ah mi pathum an dah a; Excise & Narcotics kutah mi pakhat an hlan bawk.
Heng bakah hian Kawnpui dai, Buichali leh a chhehvelah gas bur tihchingpen a awm leh awmloh an enfiah thin a; zan lama khawchhunga hnamdang lirthei, a bikin LMV veivak tam lutuk chu an enfiah thin a ni.