CYMA-in Zo United hlan

Manipura Zofa pawl hrang hrang khaikhawm tura din Zo United hruaitute chu Thawhtanni khan Central YMA office-ah lengin an hmalak dan an sawipui a. Hmalak zelna atan Central YMA hian cheng nuai 20 an hlan.
Zo United hruaitute chuan Manipur tualchhung buaina avanga Zofaten harsatna an tawh chungchanga hma an lak mek dan an sawi a. Zofa pawl hrang hrangte lungrual taka an kal thu leh inpumkhat zelna tura theihtawp an chhuah thu an sawi.
Central YMA president R Lalngheta chuan Zo United hmalak dan leh Manipura Zofa unaute zingah inpumkhatna a awm zel avanga lawmawm a tih thu a sawi a. Tanpui an ngaihna apiangah Central YMA chuan theihtawp a chhuah zel dawn tih a sawi a ni.