Czech Constitutional Court chuan New York-a American khua leh tui thah tumna avanga US mi duh India mi in US a thawnlut lo tura a ngenna chu a hnawl.
Nikhil Gupta chu US sorkar chuan hitman ruaia US a inbun Sikh seperatist leader Gurpawant Singh Pannun thahtir tumah a puh a ni.
Gupta chu Prague lung inah a tang mek a. US a thawn tur a nih leh nih lohah Czech justice minister-in thutlukna a siam dawn ta a ni.
November 2023 khan US prosecutor chuan Gupta chu North America-a Sikh seperatist pali tihhlum tumah a puh a, chung zingah chuan Pannun pawh a tel.
Gupta chuan Pannun thah a nih theih nan hitman hnenah $100,000 a pe tiin a sawi bawk a. Pannun hi US-Canadian citizen niin New York a cheng mek a ni.
Mahse, Gupta-an hitman a rawih chu undercover federal agent a lo ni si tiin prosecutor chuan a sawi bawk.
Gupta chu Indian government official tena Pannun thah a nih theih nana hma la tura an hrilh tia sawi a ni lehzel bawk.
India chuan Pannun chu terrorist tia a puan niin Sikh homeland din a nih theih nana hmalakna Khalistan movement a inhnamhnawih tiin a sawi.
White house chuan Pannun chungchang hi India official senior most level ah pawh a thlen tawh a. India official te chuan inhnamhnawihna an nei lo tiin an sawi thung a. Gupta chungchang chhui chiang turin committee a din tiin a sawi bawk.
Czech Court-in Nikhil Gupta dilna hnawl
Get real time updates directly on you device, subscribe now.
Prev Post
Next Post