China tih\haihnaah Taiwan lungrual

China chuan Taiwan huala military drill a neih chu a la chhunzawm zel a. Tuna sipai nunchan a zir hian a tum ber chu People’s Liberation Army ten Taiwan thliarkar lawng leh indo thlawhna te hmanga khawi hmun aTang pawha hualchhuah vek a ni.
Beijing-in Taiwan a run thut ta se, chuta a run dan tur zirna a ni a, Beijing chuan a Tul a nih chuan Taiwan chu sipai chakna hmang pawha a run mai tur thu a lo sawi fo tawh a ni.
Tuna sipai nunchan zirna a kalpui hian China chuan Taiwan Strait ah ‘new normal’ a thlen tia sawi niin Taiwan sorkar chu nasa zawkin a nawr zui ta zel a ni.

Propaganda vs reality
Tuna sipai nunchan a zir hi Beijing in military drill a neih tawha la lian ber niin Taiwan Strait pum deuhthaw leh Bashi Channel (Philippines leh Taiwan daidanna) te bakah Taiwan east coast a Pacific tuipui zau tak te a huam vek a ni.
Taiwan thliarkar chu hual vek niin indona awm thut se hmalak dan tur lantirna te, sipai te Tumna tur te pawh lantir vek a ni tiin Taiwan military expert Chieh Chung chuan a sawi a. Taiwan off-shore island te pawh a huam tel vek avangin China chuan indona chhuak thut se beihlet a nih theihna tura ngaih te pawh nuaichimih vek a tumna tia sawi a ni bawk a.
People’s Liberation Army (PLA) te chuan Taiwan khawpui leh lawngchawlhna te an beih dan tur te zirna an nei a ni.
Taiwan eastern coast chuan pawimawhna thuk tak neiin military infrastructure pawimawh dahna niin Japan southern island nena inhnaih tak ni bawkin Taiwan supply route pawimawh a ni bawk.
China hian sipai nunchan a zirnaah hian aircraft 49 hmangin naval ship 19 a hmang bawk a, coast guard vessel pasarih pawh hmang telin heng lawngte hi frigates leh corvettes te an ni deuh ber a ni.
Chinese heavy vessels amphibious leh assault ship emaw aircraft carrier te chu hmuh a ni lo thung a. Taiwan-in amphibious assault ship a hmuh hnuhnun ber chu kum 1944 a US in Akonawa a run lai kha niin US fleet chuan naval combatant 300 dawn neiin fleet carrier 11 leh troop leh supply ship za tel tehmeuh a nei bawk.
Beijing-in military drill a kalpui hi Taiwan president William Lai a duhlohzia lantirna nia ngaih a ni bawk a. Global Times chuan Lai chu ‘invaivung’ leh ‘pawisak nei lo’ titea sawiin two-nation theory hralh tu tiin a sawi bawk.
President Lai an pawi a khawih ber chu amah lawmluhna neiha China chu China tia a sawi chu a ni a. Beijing chuan chutia a tih avang chuan Taiwan chu China ni lovah a ngai a, ram hrang daihah a ngai tiin a sawi a. China mitah chuan chu chu ‘seperatist’ ideology a ni. Taiwan president hlui Tsai pawh khan China sawi nan ‘strait lehlam zawk’ tih te emaw ‘beijing thuneitute’ tih bakin a sawi ngai lo.
Tuna China-in sipai nunchan a zir hian Taiwan mipuite chu a barakhaih hauh lo thung. Chinese Communist Party (CCP) te chetlak dna tur chu sawi lawk theih deuh a ni a. Lai a Democratic Progressive Party DPP (tena inthlana chakna an chan khan Beijing in engtiangin nge a chhanlet ang tih chu inrinsiak nghal a ni.
President atana William Lai lakluh a nih hnu ni li na chiahah China chuan chet a la zui nghal ta reng a. China chetlakna chuan Taiwan a party tinte inlungrualin a siam thung a. Opposition KMT te pro-China nia ngaihte pawhin Beijing chu insumkarna lantir turin an ngen nghal bawk.
China in sipai chakna hmanga vauna a neih nasat poh leh Taiwan chungah DPP thlawpna a lian tial tiala China Thian anga ngaih KMT thlawpna a tlahniam zel bawk a. China in vauna hmanga Taiwan mipuite tihThaih a tumna chuan a beiseiloh takin duhlohna a tilian nasa zawk zel a. Taiwan mipui te chuan China in a ram bung anga a ngaihna chu hnawl hmak thungin, chutihlaiin China chuan engtik hunah emaw mainland China nena la insuihkhawm tura ngaih a ni thung.