Dak pute intuamtha dawn

Dak pute intuamtha dawn
Department of Post-in anmahni hmang tangkaitute tana awlsamna leh service tha zawk pek tumin digital khawvelah inthuamthat a, tih changtlun an tum a, hemi atan hian kumin August 4 hian dawr theih an ni dawn lo tih an sawi lawk.
Department of Post Mizoram Division thuchhuak chuan, tunlai thiamna changkang zawng nena inthuam an tum avangin APT application an hmang thar a. August 5 hian he system hi hman tan an tum tih a sawi.
Hemi insiamremna atan hian August 4-ah dak in a dawr theih dawn loh a, hemi chhung hian anmahni lama insiam thar ngai zawng zawng tihfel hman an tum dawn tih a sawi a ni.
APT app hi anmhni hmang tangkaitute tana service chak leh changtlung, an tana awlsam zawk siamsak an tumna niin, hma lam hun atan postal service rintlak pek an tumna a ni tih an sawi.