Damdawi in tihchangtlun dan tur bialtu MLA-in en

Aizawl South-II bialtu MLA Lalchhuanthanga chuan a bial chhunga sawrkar hospital, Kulikawn Hospital chu Zirtawpni khan a tlawh a. Health & FW principal director Dr Vanlalsawma’n tawiawmin medical superintendent Dr James Rammawia’n a lo dawngsawng.
MLA chuan Aizawla sawrkar hospital Civil Hospital-in min dawl zawh meuh tawh loh avang leh private hospital pan pha lo chhungkaw harsa kan tam avangin Kulikawn Hospital hi tihlen a, tih changtlun a ngai a, chumi tih theih dan ena tlawh a ni tih a sawi.
Kalkhawmte leh thawktu lam atangin harsatna hrang hrang leh hmalak dan tur sawi ho a ni a. Kulikawn Hospital hi tunhma atangin enkawlna a dawng tha lo em em a, tuna ambulance pakhat an neih pawh a tha lo hle a, an hotupa ber, medical superintendent lirthei kawl pawh nam nun chawp ngai a ni sawi a ni.