Damdawi siam lamah tangho dawn

South Korea, India, the United States, Japan, leh European Union (EU) te chuan biopharmaceutical sector a supply chain tha tak a awm theih nan thawhhona thuthlung an ziak tiin South Korean Presidential office chuan a sawi.
Biopharmaceutical Alliance meeting hmasa ber chu Bio International Convention 2024 San Diego a neihah neih nghal niin sorkar official leh bio and pharmaceutical company aiawh te an tel a ni tiin South Korea a Yonhap news agency chuan a tarlang.
Ram hrang hrang intelkhawm te chuan supply chain nghet leh mumal tak a awm theih nan an ram chhung theuhah bio policy, regulations leh research and development support lamah te tha zawka thawhhona a awm theih nan hma an la dawn a ni.
Damdawi siam nana raw material leh a bawlhlo pawimawh thenkhatte chu ram tlemteah te chauh awm a nih avangin hei vang hian pharmaceutical supply chain map mumal tak a awm theih nan thawhho ni se an ti a.
He pawl hi Covid-19 pandemic len lai khan drug supply lamah harsatna nasa tak a awm chhan nana din a ni.
South Korea leh US te chuan December thlaah alliance an siam phawta chumi hnuah tilianin Japan, India leh EU te an telh veleh a ni.