Hamas-ten US rawtna la chhang lo

Qatari foreign ministry spokesperson Majed Al-Ansari chuan US rawtna siam inkahhai awm theih nana ruahmanna a siam te chu la zirchiangin chhanna an la siam lo tiin a sawi a. Qatari, Egyptian leh US mediator te chuan theihtawp chhuahin hma an la zui zel a ti bawk.
A hma lawk pawhin Egyptian security sources chuan Gaza a Israel leh Hamas tena inkahhai a awm theih nana inbiakna chuan hmasawnna a hmu lo an lo titahw bawk.
Nilaini atang khan inbiakna neih tawh niin CIA director William Burns chuan Qatar leh Egypt senior officials te chu US rawtna te a sawipui a ni.
U.S. President Joe Biden ruahmanna siamah thuang thuma kalpui tur niin mahse Hamas leader Ismail Haniyeh chuan an pawl chuan Gaza a indona tihtawp lailawk ni lovin tihtawp hlen an duh a, Israel sipaite pawh an inhnukdawk tur a ni a ti bawk.
Nikum November thla atang tawh khan inkahhai a awm theih nana inbiakna chu a la hlawhchham zui zel a. Hamas ten indona tihtawp an ngiat bur laiin Israel te chuan Hamas te nuai chimih duhin hun reilote chhung atana inkahhai an duh chauh thung.