Dampa Tiger Reserve-a thawktute hlawh ngensak

Dampa Tiger Reserve-a thawkte chuan thla engemawzat hlawh an la tawh loa, sawrkar hotuten ngaihtuah sak rang se an duh tih AAP Mizoram chuan an sawi.
AAP Mizoram hruaitute chuan tunah hian thla tam tak hlawh la lo sawrkar hnathawk an la awm nual a, sawrkar tharah chuan hengte hi a bo tawh ngeiin a rinawm tih sawiin, Dampa Tiger Reserve-a thawkte pawhin thla engemawzat hlawh an la tawh lo tih an lo hria a, an ni hian tu vak hriat lohin ramngawah ramsa leh thingte vengin hah takin hna an thawk a, ngaihsak an phu hle, tiin, sawrkar hruaituten a rang lamin ngaihsak se an duh tih an sawi.
Sawrkarna siamtu ZPM an lawmpui a, Mizoram tha siam ngei turin duhsakna an hlan tih an sawi. “AAP-in kan duh ber chu, kan ramah sawrkar tha awm se, Mizoram siamtha se tih hi a ni a. Chumi chu ZPM pawh hian an thei a, chutiang kawng zawnga hma an la a nih chuan tha takin kan thlawp dawn a, an intiamna an tih hlawhtlin ngei theih nan mipuiin tawngtaipui ila, amaherawhchu a hma a kan hmuh ang sawrkar – mipui sawrkar ni lo party sawrkar an siam a nih erawh chuan na takin hma kan la anga, kan dodal zel dawn,” an party president Andrew Lalremkima chuan a sawi.
Kumin, 2023 atangin AAP-in Mizoramah bul an tan a, anmahni thlawptutute chungah lawmthu an sawi nawn tih AAP Mizoram hruaitute bhian an sawi a, thlawp zel turin an ngen tih an sawi a ni.