Damrei nan grape
Damrei i duh chuan grape sen chi ei tam rawh an tih tlat chu. Grape sen chi kawrah hian resveratrol a awm a, chu chuan kan taksa upa chak tur a timuang thei niin an sawi.
Hemi behchhan hian damdawi siamtu company GSK chuan resveratrol synthetic version an siam a, chu chuan taksa kum upa chak tur vengin prothein chikhat SIRT1 a tichak niin an sawi a, an damdawi siam hi Type II diabetes leh psoriasis-ah te an enchhin mek niin Telegraph chanchinbu chuan a tarlang.
Harvard University-a professor of genetics David Sinclair chuan kum upa tawh tih naupan leh lam an kawk lo ni a sawiin, “SIRT1 tih chak hian kan cell hnathawh a tichak a, an tuan a lo rang a, kan upa chak belh zel tur a veng thei,” a ti.
A hmaa chaihchim, khuai leh tho-a enchhinna an lo neih tawhah SIRT1 tichak thei compound an pek te chu an pek ve loh te aiin an damrei zawk tih an lo hmuchhuak tawh a ni.
Damrei nana resveratrol thatna chungchang hi journal Science-ah tarlan a ni.
Damrei nan grape
Get real time updates directly on you device, subscribe now.