Dan kalha naupang chhawr an awm leh awm loh endik

District Task Force on Child and Adolescent Labour Serchhip chuan district bawrhsap kaihhruaiin Ningani khan Serchhip khawpui chhung hmun hrang hrang tlawhin dan kalha naupang chhawr luih – child labour a awm leh awm loh an enfiah.
Task Force-ah hian police leh sawrkar department hrang hrang official-te bakah tlawmngai pawl hruaitute an tel a. New Serchhip area atanga bul tanin, kawngpui dunga dawrte, thingpui dawr, hotel leh workshop an tlawh a. Heng hmunah hian naupang kum tling lo hnathawka chhawr an awm em tih an enfiah.
Kum tling lo naupang/ tleirawl hnathawka chhawr – Child and Adolescent Labour leh Child Trafficking chungchang inzirtirna chu July 9 khan bawrhsap Paul L Khuma hoin neih a lo ni tawh a. Sumdawng, bazar nuho leh a kaihhnawih dangte an tel.
July 11 khan District Task Force on Child and Adolescent Labour hi a tum hnihna atan an thawk chhuak leh dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More