Dan loa kuhva phurh man

Hachhek Bial Kuhva Chingtu Pawl (HBKCP) chuan August 19 zan dar 9.00 vel khan Kanhmun maxi cab service, passenger tel loa bungrua chauh phur chu Tuidamah an tiding a, an endiknaah kuhva rah bag hnih, zin bag pangngai anga dah an man.
August 20 zing dar 9.00 vel khan Tuidama check post siama duty-te an inthlak lai velin, pik up truck pakhat chu check post-a ding loin a tlantlang a, an umzuinaah Tumpangluiah nangchingin, dan loa tawlh kuhva rah bag 20 a awm tih hmuhchhuah a ni a, kuhva rah hi a kang a ni. Kuhva phurtu leh a khalhtu erawh police-in an la nia thu dawn a ni.