Dan loa ramsa tihlumte hremna pek theihna rel

Serchhip District Wildlife Crime Control Sub-Unit chu an chairman, district SP MS Dawngkima hoin Thawhlehni khan an thukhawm a. An district-a dan loa nungcha tihlum thinte leh sumdawnna atana hmangte zawngchhuak a, dan anga hremna pek an nih theih nan action plan duan a ni. Nungcha humhalh kawnga mipui hriat tur zau zawk leh tam zawka inzirtir nise an ti.
District Wildlife Crime Control Sub-Unit hian kumin February 24 khan Serchhipa Inrinni bazarah sava rep thahnem tak an man a. Heng sava rep hi an thutkhawm zawh hian SP hian a halral a ni. Serchhip khaw chhehvel Mualvawm ramah ramsa leh sava awhna tura thangkam thahnem tak hmuchhuakin an lo man khawm tawh bawk.