Dan lova lo lut Bangladeshi te
ngaihthah an thiang lo : Assam CM
Assam chief minister Himanta Biswa Sarma chuan dan loa an state chhunga lut Bangladesh mite chu 138 chuang an hmuhchhuah tawh thu sawiin, hemi kawngah hian state sorkar tinte chuan ngaihtuahna tak tak hmanga an thawn let a ngaih thu a sawi.
Pathianni a Guwahati a chanchinbumite a kawmnaah Sarma chuan thla hnih kalta atang khan nitin an state chhungah ramdang mi pakhat emaw tal an man thin thu a sawi a, a thente chu a huhote an nih thin thu a sawi.
A bik takin Bangladesh atanga rawn raltlan tumte chu ngaihthah chi an nih loh thu sawiin, India leh Bangladesh hian mihring inkalpawhna dan tha tak an nei sa vek a, chumi ang ni lova lo luh tumte chu thawnlet hna an thawh zel thu sawiin, sorkar pawh a inthlahdah dawn lo a ti.
Hemi kawngah hian Assam leh Tripura state chu an thawk tha hle nia sawiin, Bangladesh ramri hnaihah chuan anni pahnih bakah West Bengal sorkar pawh a inhmuchhuak tan niin a sawi bawk.
Assam chief minister Sarma chuan Hindu leh Muslim inkar buaina chawk tho tura he thil hi sawi a nih loh thu sawiin, dan anga kalpui mai an nih thu a sawi a, ramin dan an neihte chu sorkar in a ngaihpawimawh a tul thu a sawi bawk a ni.
Dan lova lo lut Bangladeshi te ngaihthah an thiang lo : Assam CM
Get real time updates directly on you device, subscribe now.