Dan phal loh therhlo semtu mantheite inzir

Inthlanpui neih tura inpuahchahna kalzelah Zirtawpni khan Election Commission of India buatsaihin inthlan kaihhnawiha dan palzutna awm thei ruihhlo leh a kaihhnawih, sum leh thildang mante online kaltlanga report zung zungna – Election Seizure Management System (ESMS) chungchang zirhona inbiakhmuh theihna kaltlanga neih a ni.
Enforcement agency hrang hrangte telin Santosh Pathariya kaihhruai ECI IT Team-ten ESMS chungchang an zirtir a. ECI-a Expenditure director Pankaj Srivastava chuan inthlan muanawm, felfai leh hautak lo thei ang ber kalpui chu ECI duhdan a ni, tiin, vote zawn nana inthlemna hmanraw hrang hrang ruihhlo leh a kaihhnawih, sum leh pai sem thinte vena man zel a tul thu a sawi a, enforcement agency-te hemi kawngah hian tan la turin a chah.
Model code of conduct relaxations/ violation chungchang zirho a ni bawk a. He hunah hian deputy CEO-I R.Vanrengpuia bakah enforcement agency hotu hrang hrangte an tel a ni.