Darkar khata ball vawi 8000 sepin record siam

Chinese mipa naupang kum 10 mi, Tiang Jinfan chuan a ke pahnih hmangin darkar khatah football vawi 8,147 a sep hman a, Guinness World Record a siam.
Tang hi pawl hnih vel a nih laiin nipui chawlh an hman laiin football an pet a, chuta tang chuan a tuipui tan ta a ni. Coach Lin Xiaozhong kaihhraina hnuaiah inzirin tunah chuan ball han khawih vel chu a hnehsawh tawh hle a ni. Nikum September khan minute 50 chhungin a ke ding leh veilam hmangin ball vawi 7,056 a sep thei tawh a, a coach chuan a theihna te hmuh sakin, record siam turin tan a lakpui ta a ni.
Tang chuan, “Kan club-ah chuan ka teammate tam takin an ke pahnih hmangin ball vawi sang chuang an sep thei deuh fur a, mahse, kei hi kei hi a thei ber ka ni ta rih a ni,” a ti.
A training lai chuan darkar chanve warm up a tih hnuah basic traning a tih leh phawt a, chutah darkar hnih chhung in-team friendly match chawhnu lamah an nei leh thin a, an game khelh leh atan an chak lohna leh thatna lai te an sawi khawm leh thin.