Benjamin Sum-a’n certificate pe kir

Benjamin Sum-a’n certificate pe kir

Tunlai social media-a inhnialna leh sawi hlawh ber te zinga mi chu Benjamin Sum-a birth certificate leh Aadhar card neih chungchang hi a ni ngei ang, Ben-a hian Mizoram birth certificate a neih leh a Aadhar card te chu thuneitute hnenah a pe kir.
Ben-a hian birth certificate dik lo a neih hi Directorate of Economics and Statistics-ah a pe kir a, thuneitute hnenah Aadhar card a pe kir bawk. Ben-a chuan, “A pawi dan tur ka lo hrethiam pha lo a, passport ka mamawh em avangin thil awmzia hre tawk lo chungin thil ka lo ti a, ka inthiam lovin ka zak em em a, thupha ka chawi tak zet e,” a ti.
A tirah motor registration a neih dan atanga inhnialna lo chhuakin, chu chuan thildang a kangkai ta zel a, ngaihdan pawh a phir a, social media lama inhnialna topic lian tak a ni zui ta a ni.
Ben-a chuan, “Mi rilru ka tihnatah ngaihdam ka dil a, keimah avanga inhnialna a awm avangin hrehawm ka ti a, Mizoram mipui ka unaute chungah ngaihdam ka dil a ni. Zofate kan inunauna kawnga harsatna thlentu a nih loh ka duh tak zet a ni,” a ti bawk.