Record siam theihna chi hrang hrang hi a tam khawp mai, darthlalak hruk fai-ah te pawh world record a siam theih ta zel mai. British nu pakhat chuan office darthlalang lian pathum second 16.13 chhunga hrufai hmanin Guinness World Record a siam.
A hming chu Aliscia Burrows a ni a, kum 33 mi a ni tawh. Manchester Cleaning Show-ah telin, he intihsiaknaah hian tukverh lian tha tak, darthlalak 45-inch-by-45-inch pathum chu second 16.13 chhungin a hru fai hman a, Guinness World Record, hmeichhe zinga darthlalang hrufai chak ber record a siam a, a hmaa hetiang record chu 0.15 second-in a khum a ni.
Burrows hi darthlalang hruk fai hna thawk thin pawh a ni chuang lo a, mahse, a pa chhunin, thil tihfai lam hi a talent a ni ve tlat. A pa Terry ‘Turbo’ Burrows chu professional cleaner a ni a, ani hi darthlalang hrufai rang ber record siamtu niin, second 9.14-ah a 45×45-inch darthlalang pathum a hru fai hman a ni.
Burrows chuan, “Tukverh tihfai hi eizawnnan ka la hmang chhin ngai lo a, mahse, kan naupan lai chuan kan ti ve nasa thin. A chang chuan London-ah ka pa hnathawk thlir turin ka zui ve thin a, Federation of Window Cleaners-in window cleaning show an buatsaihte pawh ka thlir ve fo bawk,” a ti.
Darthlalang hru fai rang record siam
Get real time updates directly on you device, subscribe now.
Next Post