David Rush-a’n fist bump record a siam

A hming ang deuh hi a nia, Guinness World Record siam turin a hmanhmawh deuh vut vut reng mai a ni, tunah hian tum khata record title kawl hnem ber record siam tumin tan a la mek a, record thar a siam deuh zawih zawih mai a ni. Tun tuma a record siam chu second 30 chhungina fist bump(kuttum intauh tir) tihnem ber record a ni. Rush hian record title kawl lai 177 a nei tling ta chiah a, tuna tum khata Guinness World Record title kawl hnem ber record chu 181 a ni a, Rush hian record panga a siam leh a, chumi chhunga a record siamsa khumtu an awm hman lo a nih bawk chuan tum khata record title kawl hnem ber a ni thei tawh dawn a ni.
David Rush ian second 30 chhungin fist-bump 397 a tihman a, record thar a siam leh ta a ni. A hma pawhin hetiang record hi a lo siam tawh a, mahse, a record hi midangin an rawn khum leh ta a ni. A record siam hmasak tum chuan an thenawmpa Joey Hannon nen an ni a, second 30 chhungin fist bump vawi 273 an tihman a, tun tumah hian YouTuber Doctor Mike nen an ni ve thung.
David Rush hian record siam hi nuam a ti ve laklawh tawh te pawh a ni ang, Guinness World Records pawhin ‘serial record breaker’ an ti hial tawh a, 2021-ah te khan kum khata record 52 a siam a, kartin record thar siam ziah ang a nih chu!