A tihdan a hre fuh laklawh tawh a ni chek ang a, David Rush hian Guinness World Records a siam deuh sek mai a nih hi. Guinness World Records 300 chuang a siam tawh a, tunah hian record title 185 kawl mekin, tum khata GWR title kawl hnem ber record a siam mek bawk. Heti chung hian record siam a la chawlhsan duh chuang lo a, a khat tawkin record a siam leh deuh reng tho.
Tun tumah hian kut chauh hmanga tui millilitre 5100 (litre 5.1) bucket danga thal chhuak rang thei ber record a siam a, second 30 chhungin a tihman. A hmaa hetiang record pawh hi ama siam tho niin, 2024 khan second 30 chhung litre 3.3 a kutin a suak sawn hman ve thung.
David Rush hian bucket lianah tui dah khatin, a bulah bur tê deuh zawk dah bawkin, bucket lian atangin a kut lawngin tui chu suakin, bur te zawkah a chhung lut zel a, midangin a tui suah phai sa an rawn chhung khat leh zel bawk. Hetiang hian second 30 chhungin bucket lian zawk atangin a tê zawkah tui litre 5.1 a chhut khat hman a ni
David Rush-a’n record a siam leh tawh!
Get real time updates directly on you device, subscribe now.
Prev Post
Next Post