Defence Secretary Giridhar Aramane chuan Myanmar tlawhin ni hnih a cham niin Defence Ministry chuan sawiin ram pahnih hotute chuan ‘border areas-ah remna leh muanna awm tir a, dan kalha thil tih heng drug trafficking leh smuggling kaihhnawih te an sawi’ tia tarlan a ni bawk a. Manipur buainain a chiah laiin Myanmar a tlawh a ni.
“India security ngaihmawh te Myanmar senior leader te hnenah thlenna hun remchang neih a ni” tiin Ministry chuana sawi a. “Ram pahnihte chuan an ram chhung ve ve chu ram pahnih thil duh loh te kalpui nana hman an remti lo ve ve,” tiin tarlan a ni bawk.
Aramane hian Myanmar hi Zirtawpni leh Inrinni khan a chamchilh a, Chairman, State Administrative Council Senior General Min Aung Hlaing chu Nay Pyi Taw ah a bia a. Hei bakah hian Defence Minister of Myanmar Gen Mya Tun Oo (Retd.) nen inbe bawkin Commander-in-Chief, Myanmar Navy Admiral Moe Aung leh Chief of Defence Industries Lt Gen Khan Myint Than te nen inkawmhona an nei bawk.
India chuan Myanmar nen ramri 1,700 km a thui neiin Myanmar a thil thleng chuan India border region a nghawng lo thei lo an ti bawk a. “Myanmar ngelnghet leh ralmuang, mipuite hamthatna tha chu India tana pawimawh a ni,” an ti bawk.
Swedish Think Tank Stockholm International Peace Research Institute (SIPRI) tena global arms transfer an chhuichiannaah India chu Russia leh China tih loha Myanmar hnena arm supplier lian ber a ni, an ti.
Defence Secretary Myanmar-ah kal
Get real time updates directly on you device, subscribe now.
Prev Post