Delhi Assembly-ah hmeichhe ve ve langsar dawn

Delhi Assembly-ah hmeichhe ve ve langsar dawn
AAP hruaitu, chief minister kal chhuak, Atishi-i chu Delhi Assembly-ah Leader of Opposition atan thlan a ni a, hmeichhe zinga eptu hruaitu hmasa ber ni lo mah se tun term-ah hi chief minister pawh hmeichhia ve tho a nih avangin hetiang a awm vawi khatna a ni dawn.
Atishi-i hi Pathiannia AAP MLA thutkhawm chuan Leader of Opposition atan an thlang a ni.
“Aam Aadmi Party national convenor Arvind Kejriwal leh Legislative Party-in min rintawk avangin ka lawm a. Eptu aw ring tak kan ni dawn a. Aam Aadmi Party chuan BJP-in mipui an tiam chu a vil reng dawn a ni,” a ti.
Delhi Assembly thutkhawm hmasa berhi Thawhtannia tan tur kha a ni a. Ni thum chhung session neih turah hian rorel lai, BJP chuan sorkar liam ta, AAP-in chet velna tar lanna, pharh lova awm reng, CAG report chu an pharh dawn tih an sawi.
Tar lan tawh thin angin February 5-a inthlanah khan BJP chuan hnehna changin bial 70 awmah bial 48 an la a, AAP-in 22 lain Congress-in chakna bial an nei lo.
BJP MLA-te chuan an hruaitu atan hmeichhia, a vawi khat nana MLA, Rekha Gupta thlangin Ningani tlai khan a minister tur panga nen lak luh an lo ni tawh a ni.
Atishi-i hian Kalkaji bialah BJP hruaitu, Ramesh Bidhuri hnehin a tling leh a. Hetih lai hian AAP hruaitu lawk zingah Kejriwal-a leh Manish Sisodia te pawh a tling zo lo zingah an tang thung.