Delhi private school pakhatin bomb-a vauna dawng leh

Delhi Dwarka area-a private school pakhat chuan bomb hmanga vauna dawngin, police te chuan an chhuizui nghal a, school chuan fimkhur thuah online class an lakpui rih thu an sawi.
Vauna an dawn hnu hian emergency response team te chu school-ah hian tirh nghal an ni a, zirlaite chu online-a class kal rih tura tih niin, police te chuan chhuizui hna an thawk nghal bawk.
He thil thleng hi Delhi school-te chunga hetiang vauna thlen tumkhatna a ni lo a, a hma pawhin school hrang hrangin vauna hi lo dawng tawhin, December ni 14 khan zirlai pakhat chu hetiang thu thawna bultumtu nia ngaih a nih avangin man a ni a, zirlai pawh hi a inpuang tawha sawi a ni bawk.
Tun tuma bomb hmanga vauna thawntu hi tute tih nge tih leh hel pawl thiltih a ni thei em tih chhui zui leh mek a nih thu sawi a ni a, rinhlelh man pawh an la neih rih loh thu police te chuan an sawi.
Delhi chief minister hlui Arvind Kejriwal chuan Delhi High Court hnenah a hmain bomb hmanga vauna thleng thin chu ngaimawh ngai tak a nih thu leh zirlaite himna siam turin a lo thlen tawh a ni.