Mizoram director general of police Anil Shukla chuan Thawh\anni – July 3 khan a hna thar hi Police Headquarters (PHQ), Khatla, Aizawlah a zawm.
India sawrkar Ministry of Home Affairs chuan kumin June 9 khan police hotu thenkhat awmna a siksawi a, Mizoram DGP kalchhuak ta Davesh Chandra Shivastava chu Andaman & Nicobar Islands DGP a dah a ni a; Andaman & Nicobar Islands-a IGP Anil Shukla chu Mizoram DGP atan sawn a ni thung.
Anil Shukla hi 1996 batch AGMUT cadre niin, National Investigation Agency-a a awm laiin Jammu & Kashmir-a firfiak hote chetna case engemawzat chhui hna lo thawk tawh avanga hriat hlawh a ni.
DGP kalchhuak ta Davesh Chandra Shivastava khan 2022 February-ah a hna hi a rawn zawm a, kum khat chuang hret a awm hnu ah sawn a ni.
DGP tharin hna zawm
Get real time updates directly on you device, subscribe now.
Prev Post
Next Post