Diesel hmang vehicle nuaibo tum

India chuan kum 2027-ah diesel hmang four-wheel vehicles te chu bansanin electric leh gas hmang vehicles te khawpui mihring maktaduai chuangte chenna hmunah chuan hman tawh ni se tiin Ministry of Petroleum and Natural Gas chuan rawtna a siam.
India hi khawvela greenhouse gases pechhuak hnem ber zinga tel niin kum 2070 ah net zero goal neiin a electricity siam chhuah 40% chu renewable atanga siamchhuah tuma hma la mek a ni.
“Kum 2030-ah chuan electric ni lo city bus belh tawh tur a ni lo va, kum 2024 atangin diesel hmang city bus hman tawh loh tur a ni” tiin panel te chuan Oil ministryu website a tarchhuah report an tihchhuahah an tarlang a.
Petroleum Ministry chuan Energy Transition Advisory Committee te rawtna hi cabinet pawmpui turin an kalpui zui zel dawn nge hriat a ni lo va, he rawtna hi oil secretary hlui Tarun Kapoor hova buatsaih a ni thung.
Ram chhungah electric vehicles hman uar a nih theih nan sorkar chuan ‘targetted extension’ siamin Faster Adoption and Manufacturing of Electric and Hybrid Vehicles scheme (FAME) hnuaiah incentive pe chhuak se an ti bawk a.
India ramah fuel hman hmun ngaa thena hmun hnih lai chu diesel la niin transport sector 80% vel a la hauh a ni.
Panel chuan kum 2024 atang chuan electric-powered vehicle chauh registration tih phal tawh ni se a ti bawk a, cargo atan pawh railways leh gas-powered truck te hman ni se an ti bawk a. Railway network chu kum hnih thum hnuah fully electric a leh hman vek tum a ni bawk.
Long-distance bus te pawh electricity hmang vek ni se tih a ni bawk a, gas te chu transition fuel atan kim 10-15 chhunga hman turin ruahman ni se tih a ni bawk. Chumi tur chuan Idnia chuan energy a gas a hman chu tuna 6.2% atangin kum 2030 ah chuan 15% ah tal tihsan hman tum se a ti bawk.
Panel chuan India chuan underground gas storage thla hnih chhung daih tal demand phuhru tur siam se a ti bawk a, chung hmun atan chuan oil leh gas field ruak mek te leh salt cavern te chu gas storage atan let se a ti bawk.