Disney-in Eras Tour concert film $75M-in an lei

neite chu pek belhchhahin an awm ang tih ang deuh a ni ber mai, Taylor Swift chuan a Eras Tour concert movie ‘Taylor Swift: The Eras Tour’ a\angin sum a hmuh belh leh dawn a, he concert movie hi Disney+ chuan an streaming platform-a tihchhuah turin dollar maktaduai 75-in an lei a, nakin lawkah he concert movie hi Disney+ lamah en theihin an tichhuak thei dawn ta.
Puck News-in a tarlan danin Disney hian ‘Taylor Swift: The Eras Tour’ streaming right atan Swift hi dollar maktaduai 75-in an inrem pui thei a, he concert movie hi Netflix leh Universal te pawhin lei tumin Swift hi an dawr a, mahse, Disney+ hian an chang dawn ta a ni.
Taylor Swift: The Eras Tour hi Disney+ chuan March ni 15 a\angin an tichhuak \an dawn a, he concert movie an stream tur hi nikuma cinema hall lama an tihchhuah tawh ai khan a sei zawk a, hei hian a man pawh a ti to lehzual a ni ngei ang. A film pawh an tidanglam deuh a ‘Taylor Swift: The Eras Tour (Taylor’s Version)’ tih a tawh dawn a, cinema hall-a an tichhuaha lang ve lo, hla panga a perform-na an dah tel dawn a, chung zinga hla pakhat chu Folklore album ami ‘Cardigan’ tih hla kha a ni ang a, a hla dang pali chu a film en hunah chauh a hriat theih dawn a ni.
He film hi nikum October thla laihawlah khan cinema hall-ah an chhuah \an a, box office-ah No.1 ni nghalin, cinema hall ticket hralhna a\angin khawvel huapin dollar maktaduai 260 chuang a lalut thei a, concert film tihchhuah tawh zawng zawng a sum lalut hnem ber record a siam tawh bawk a ni.