Champhai District Sports Committee ruangam thar dinfel a nih hnua thutkhawm hmasa ber chu Ningani khan an chairman, district bawrhsap James Lalrinchhana hoin neih a ni.
District Sports Committee (DSC) hnuaia hmunhma leh bungrua neihte felfai taka chhinchhiah niin, District Sports Complex New Champhai leh Tlangrawt Boxing Hall bakah DSYO leh sports association hrang hrang hnuaia hmunhma neihte sawi a ni a. Humhim leh cheihnum kawnga tulte bawhzui ran nise, an ti. District Sports Complex leh Tlangrawt Boxing Hall chu DSC hmingin kumin June 14 zingah tlawha enfiah rel a ni. Champhai District Cricket Association hminga dilna lut pawh ngaihtuah niin, zirchian hmasak hnu ah thutlukna siam nise, an ti.
Champhai district-ah hian tunah sawrkar pawmpui sports association 30 an awm mek a. Association nung tha leh hma la thate chauh pawmpui an nih theihna’n leh sports promotional fund dawn thin angte pek an nih theihna’na hmalak tulte ngaihtuah ho a ni. June thla chhungin District Sports Committee hnuaia association inziaklut tur tan affiliation hun hawn nise an ti.
District Sports Committee thu
Get real time updates directly on you device, subscribe now.
Prev Post
Next Post