Doctor pawngsual leh thah duhlohna BJP Nu hoin lantir

RG Kar Medical College & Hospital, Kolkata-a post graduate zirlai hmeichhia chu pawngsuala thah a ni an duh lohna leh tawrhpuina chu Zirtawpni khan BJP Mizoram nu hoin an lantir.
BJP National Mahila Morcha kaihhruaiin Zirtawpni khan India ram pumah Dr Moumita Debnath pawngsual a nih hnua thah a nih duhlohna lantirna hi neih a ni a. BJP Mizoram State Mahila Morcha pawhin hmangin, hmeichhiate chunga hleilenna thleng thin leh pawngsual mai duhtawk loa, nunna hial laksak an ni thin chu pawi an tiin he thil thlenga inhnamhnawih zawng zawng man chhuak vek tur leh hremna na tak pe vek turin an ngen tih an sawi.
‘He thihna hian Mizoramah pawh hmeichhiate ngaihsak kan tul zia a tichiang a, rawva taka che thinte chungah hremna na tak pek an nih theih nan leh midangte pawhin hetiang hursualna laka an fimkhur theih nan, hremna na zawka pek zel hi kan duh dan a ni,’ BJP Mizoram State Mahila Morcha thuchhuah chuan a ti.