Doja Cat ‘Paint the Town Red’ a Hot ber

Doja Cat hla hit ‘Paint the Town Red’ chu Billboard Hot 100 (singles) chart-ah a No.1 a, he chart-a kar hnih a No.1-na niin, Doja Cat hlaah he chart-a kar khat aia rei No.1 thei hmasa ber a ni bawk. Doja Cat hian Hot 100 chart-a No.1 kai thei hla pahnih a nei ta a, May 2020 khan ‘Say So’ featuring Nicki Minaj chu a lo No.1 pui tawh bawk a ni.
Billboard Hot 100 hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
‘Paint the Town Red’ hian kar khat chhungin radio airplay-ah ngaithlatu maktaduai 52.6 leh download sales 6,000 neiin, streaming-ah pawh maktaduai 27.5 a tling thei a, hei hi chart-ah No.2 atangin No.1 a kai thar pui leh ta a ni.
SZA ‘Snooze’ chu stream maktaduai 17.5, radio airplay maktaduai 72.9 leh download sales 2,000 tlingin No.3 atangin No.2-ah a insawn a, SZA tan a hla he charty top two a lang thei pathumna niin, heng hla pathum te hi kumina a tlangzarh vek an ni a. ‘Kill Bill’ chu April thla khan No.1 kaiin, Drake a feature-na ‘Slime You Out’ chu No.1 a lo kai tawh bawk.
Luke Combs-a’n Tracy Chapman hla hlui a cover ‘Fast Car’ chu No.4 atangin No.3 a kai thar leh ta a, Taylor Swift ‘Cruel Summer’ chu No.6 atangin No.4-ah a insawn a, chart No.1 hlui Zach Bryan ‘I Remember Everything’ featuring Kacey Musgraves chu No.5-ah bawk a la awm.
Chart No.1 hlui Morgan Wallen ‘Last Night’ chu No.8 atangin No.6 a kai thar leh a, chart No.1 hlui bawk Olivia Rodrigo ‘Vampire’ chu No.7-ah bawk la awmin, Gunna ;Fukumean’ chu No.9 atangin No.8 a kai thar ve leh ta bawk.
Top 10 atanga chhuak tawh Rema leh Selena Gomez ‘Calm Down’ chu No.11 atangin No.9-ah a invawrh thar leh a, Dua Lipa ‘Dance the Night’ chu chart top 10 khartu niin, No.10-ah bawk a la awm.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More