Doordarshan-in Mamit tlawh

Doordarshan Aizawla joint director leh head of news hna chelh mektu Nampibou Marinmai, IIS chuan Nilaini khan Mamit tlawhin, district bawrhsap VL Remliana an kawm.
DD hotu hian Mizorama central media – DDK leh AIR bakah field publicity-te hmalakna sawifiahin, Press Information Bureau (PIB) kaltlanga state sawrkar chetvelna puanzar a nih dan a sawi a. Sawrkar laipui hmalakna hrang hrang Mizoram district hrang hranga kalpui a nih dan nasa zawka media kaltlanga puanzar a nih theihnan thawhpuiah Mamit bawrhsap leh a thawhpuite a sawm a ni.
Bawrhsap pawhin MLA inthlan tura Mamit district inpuahchahna hrang hrang leh district dinhmun tlangpui hrilhin, a theih ang leh tul anga thawhho pui an nih zel dawn thu a sawi a ni.
DD hotu Nampibhou Marinmai hi, Delhi lam DDK thawktute, Mamit DIPRO Dr Saithantluangi Zote leh Mamita DDK news stringer leh AIR correspondent ten an tawiawm a. Mamit district chhunga Unique Polling Station awmna Dilzawl an tlawh bawk.