Dragon fruit tui sawr lam buaipuitu Kolasib Agro Marketing Cooperative Society Ltd (KAMCO) chuan kuminah quintal 80 atanga 100 vel leikhawm theih an inbeisei a. Dragon fruit hi state pawn lamah a taka hralh turin buaipui sak an tum bawk.
KAMCO Society chairman R Lalhmingthanga sawi danin, Kolasib district hi Mizorama Dragon fruit tharchhuak hnem ber niin, nikum khan quintal 800 chuang an thar a, kuminah quintal 1000 chuang thar an beisei. Dragon fruit tharchhuah sawngbawl a, hlu zawka siam leh rei zawk dahthat a nih theih nan hma an la a; FOCUS Mizoram tanpuina in Dragonfruit tui sawra sawngbawlna an kalpui mek a ni
Dragon fruit tui sawr dahkhawlna tur tanky an neih tam loh avangin kumin chungin quintal 80- 100 vel bak an lei theih loh tur thu a sawi a. Chutihrualin, Agartala, Shillong leh Guwahati ah hnamdang sumdawng liante dawrin, Dragon fruit hralhna kawng an dap a, fur ruahtui tlak avanga kawng chhia leh harsatna dang avangin an la thawnchhuak thei lo. Kumin chhungin state pawna thawn chhuah theih ngei an beisei tih a sawi a ni.
Dragon fruit tui sawra sawngbawl tur hian Horti department leh Science & Technology department berawn chungin, society an din hma atangin trial process an kalpui tawh a, trial process atanga sample product an neih pawh Mizorama Agriculture leh Horticultute Fair-ah tum hnih ngawt an phochhuah tawh bakah Delhi thlengin an zu phochhuak tawh tih R Lalhmingthanga hian a sawi.
Dragon fruit qtl. 80 tal lei tum
Get real time updates directly on you device, subscribe now.