Driver-te dinhmun siamthat tumna awm lo

Driver-te dinhmun siamthat tumna awm lo
Budget Session neih mekah Lawngtlai West bialtu C Ngunlianchunga’n term hmasaa House-a sawiho tawh, driver-te dinhmun siamthatna tur kha tuai thar tumna a awm em tih a zawt a, transport minister-in a awm loh thuin a chhang.
“Sorkar kal ta hun laia tuna kan education minister Dr Vanlalthlana bill put luh driver-te hamthatna tur ‘The Private Transport Workers (Welfare) Bill, 2022’ hi Mizoram driver-te leh an chhungte dinhmun siam nan tuaithar tumna a awm em?” tiin a zawt a ni.
Ziaka chhan chi zawhna hi tranport minister Vanlalhlana’n a chhang a, “Tun dinhmunah transport department atangin hmalakna a awm lo a. Tin, private motor driver-te hi unorganized sector hnuaia mi an ni a. Anni hamthatna chungchang hi transport department lam duan tur niin a lang lo a ni,” a ti.