Drone hmangin Moscow khawpui bei

Russia capital Moscow a skyscraper chu drone-in a deng fuh leh tawh tiin Mayor Sergei Sobyanin chuan a sawi.
A hma zanin drone thahnem tak kahthlakin a awm a ti bawk a, mahse, “Pakhat chuan Pathianni kaltaa an tum bawk Moskva City complex tower chu a deng fuh a ni,” tiin a sawi.
Building hma lam chhawng 21 naa awm chu a tichhia tiin a sawi a, mahse, hliam tuar an awm hriat a ni lo a ti bawk.
Russia defence ministry chuan Ukraine tih a ni tiin a dem thu sawi nghal a. Mahse, hengah hian Kyiv chuan sawi a nei ngai lo thung.
Thuchhuah a siamah Sobyanin chuan building glazing chu 150 square metres laia zau tihchhiatin a awm tiin a sawi.
Hetih lai hian Russian defence ministry chuan Ukrainian drone pahnih chu Moscow region-ah anti-aircraft system-in a kap thla tiin a sawi bawk a.
Drone dang pakhat chu non-residential Moskva City complex ah a tla tiin a sawi bawk a. Heng vang hian Moscow a Vnukovo airport chu hun eng emawti chhung kharin a awm phah bawk.
Moscow chuan tun hnaiah Ukraine chu drone hmanga bei rengah puhin Kremon a President Valdimir Putin chenna in pawh May thla khan an bei tawh tiin a sawi.
Mahse hei hi Ukraine chuan hnawl thungin Ukrainian president Volodymyr Zelensky chuan Russian territory beih chu tihawm reng leh thil thleng ve reng tur a ni a ti hmiah thung.
Heng bakah hian Russian drone tena Kharkiv an beihnaah dormitory an tichhia tiin north-eastern Ukraiian city mayor chuan a sawi a.
Russian missile in central Ukrainian city Kryvyi Rih a den avangin mi parukin nunna chanin mi 75-in hliam an tuar tiin local officials te chuan an sawi bawk.
Hei bakah hian Thawhtanni khan Ukrainian tena Russian thunun Donetsk city an beihnaah mi pathumin nunna an chan tiin Moscow official te chuan an sawi bawk.