Drone hmangtu hriat tur siam

Sawrkar laipui Director General of Civil Aviation atanga thu a dawn angin Mizoram sawrkarin chuan drone hmangtuten dan hnuaiah him taka an hman theihnana thu zawm tur a siam a. Drone hman tur chu type certified, a inziahluhna tur dik taka inziaklut turin a ti a; drone khalhtu in a drone hman tur chu nano emaw micro drone, sumdawnna ni lo atana hman a nih chauh loh chuan remote pilot license a nei tur a ni tih a sawi. Danin a phut angin drone chu nano a nih loh chuan third party insurance ti turin a ti a, insurance tihfel loh drone thlawh chhuah tir phal a ni lo tih a sawi a ni. Drone khalh turten yellow zone/ red zone leh hmun dang emawa thlawh chhuah tir a nih hmain hemi atana thuneitu bik sawrkarin a ruat hnenah phalna la hmasa turin a ti a. Foreign siam drone chu phalna la hmasa loa thlawh chhuah tir phal a ni lo tih a sawi bawk.