Kum 2021 atanga buaipui tan tawh, MINECO-a State Drug Testing Laboratory chu tun thlengin hman theiha bunfel a la ni lo.
Health & Family Welfare minister Lalrinpuii chuan Nilaini khan Drug Testing Laboratory hi a tlawh a. Mihring hriselna enkawl nana damdawi kan hman endikna tur bun a nih hnu ah a taka hman tan a la ni lo chu pawi a tih thu sawiin, hnathawktu indaih loh vang a damdawi endik ngaite Regional Drugs Test Laboratory Guwahati-a thawn zel a ni thin chu pawi a tih thu a sawi.
Food & Drugs Administration joint director Lalsawma Pachuau sawi danin, laboratory building hi central project – ‘Strengthening of State Drug Regulatory System’ atanga cheng vaibelchhia 9 hmangin kum 2021 khan sak a ni a, damdawi endikna khawl chi hrang hrang 36 a kengtel. Hman mai theihin high performance liquid chromatography leh gas chromatography rem khawm tawh a ni.
Drugs Testing Laboratory hi a taka hna thawk tur chuan thawktu lak belh a ngai dawn a. Tunah hian junior analyst post 3, laboratory attendant post 2, LDC post 1 leh IVth grade post 2 chu sawrkarah dil mek a ni.
Thawktute sawi danin State Drug Testing Laboratory hi a nih dan tura kalpui a nih chuan, kum khatah damdawi sample 1000 endik thei tura ngaih a ni a. A chhunga khawl awm hi changkang leh chhuak thar ber berte an ni. Kum 2022- 2023 chhunga damdawi endik tura thawn chhuah 121 atanga 17e chu ‘not of standard quality’ an ni tih hmuhchhuah a ni.
Drug Testing Laboratory bun tawh la hmang tangkai rih lo
Get real time updates directly on you device, subscribe now.
Next Post