Durtlang to Sihphir kawng PWD-in an siam mek a, Selesih kawn to Sihphir (Nausel peng) inkar concrete pavement-a siam tum a ni a. Kawng siam hun chhung hian road block a ngaih dawn avangin hnathawktuten tluang leh ngawrh taka an thawh theih nan leh PWD hotute dil angin SP Aizawl chuan sawrkar hriattirna dinglai leh dan tlawhchhan hmangin he kawnga lirthei tlan dan tur thupek a chhuah.
Silchar to Aizawl via Sihphir kawngah LMV chin bak tlan phal a ni loa, Aizawl to Lungdai lama kal turte Selesih kawn atangin diversion road-ah kal tur a ni anga, LMV chin bak tlan phal a ni lo. Lungdai to Aizawl lama kal turte, Sihphir Rinchhan Veng to Selesih road kawnga tlan tur a ni anga, LMV chin bak tlan phal a ni lo.
Hnathawhna hmun paltlang lirthei veivak enkawl chu PWD mawhphurhna a ni a. He thupek hian chhiatrupna thil, kangmei leh emergency kaihhnawiha duty, dan leh thupek pawimawh bika police leh magistrate duty-te chetvelna a huam lo. Thupek hian March 4 atanga May 4 thleng a awh dawn a. Thupek bawhchhia chu Motor Vehicles Act 1988 hmanga hrem theih an ni.
Durtlang to Sihphir kawnga tlan dan tur
Get real time updates directly on you device, subscribe now.
Prev Post