India ramah kum upa pung zualin kum sawm dana an punna chu 41% ni tura chhut niin chhut ang renga thil a kal a nih chuan kum 2050 ah chuan 20% lawihin a pung tawh dawn niin United Nations Population Fund, India (UNFPA) te chuan 2023 India Ageing Report-ah an tarlang a, kum 2046 ah chuan kum upate chuan India ramah kum 0 atanga 15 chinte chu an khum tawh ang tiin tarlan a ni bawk.
-- Advertisement --
40% rethei bakberh
India ram kum upa 40% te chu rethei bakberh an ni a, 18.7% vel te chu sum lakluh nei hauh lovin an awm tiin report chuan a tarlang bawk a. Hetianga retheihna nasa lutuk hian an nun nawmna turte pawh nasa takin a nghawng a ni an ti bawk.
He report hi Secretary, Social Justice, Saurabh Garg and UNFPA India Representative, Andrea M. Wojnar chuan tlangzarhin, kum 80+ te chu kum 2022 leh 2050 chungin 279% velin a pung dawn a, hmeithai leh midang tel lova awm thei lo pitar an tam tawh dawn a, chu chu khawvel hmun danga thil thleng ang tho a ni tiin a sawi bawk.
Data chuan hmeichhiate life expectancy chu kum 50 leh 80 inkar vel niin State leh Union Territories azirin a danglam a ti bawk a.
Entir nan, Himachal Pradesh leh Kerala-ah chuan hmeichhia kum 60 te life expectancy chu kum 23 leh 22 a ni a, chu chu heng state a mipa te kum 60 chinte life expectancy aiin kum li laiin a hniam zawk tiin a tarlang bawk.
Damrei beiseina
Hmeichia kum 60 chin te life expectancy chu Rajasthan, Haryana, Gujarat, Uttarakhand, Kerala, Himachal Pradesh, leh Union Territory of Jammu & Kashmir ah te kum 20 aiin a sang zawk vek bawk.
Hei bakah hian sex ratio (mi 1,000 zela hmeichhia) chu kum upa amah kum 1991 atang khan san lam a pan char char bawk a. Kum 2011 leh 2021 inkar chhung khan sex ratio hi India ram pumah Union Territories leh Western India tihah chauh lo chuan a sang vek bawk a ni.
Northeast leh east India-ah chuan kum upa te sex ratio hian san lam panin 1,000 zel hnuailamah a awm a, hei hian heng region-ahte hi chuan kum 60 pelhah pawh hmeichhiate aiin mipate an la tam zawk zia a pholang thung.
Mahse region dangah chuan a ni lo thung a. Central India-ah chuan sex ratio chu kum 2011-ah 973 atangin kum 2021-ah chuan 1,053-ah a kai chho va, hmeichhiate chuan mipate tlukin kum upat lamah an khum zawk a tih theih tiin report chuan a tarlang bawk.
Kum upa rau rauah hmeichhiate chu an rethei zawk zel a, a tlangpuiiin an hmeithai emaw mahni chauha awmin emaw sum lakluhna tha leh ro nei tlem an ni zawk zel a, innghahna chhungkaw dang nei lo ber an ni zawk bawk, tiin report chuan a tarlang.
State zingah pawh southern region leh northern state thenkhat heng Himachal Pradesh leh Punjab angah te chuan national average aiin kum upa nei ngah an ni zawk tiin report chuan a tarlang bawk.
Naupiang tamna hmun Bihar leh Uttar Pradesh angahte chuan kum 2021 atanga 2036 chhungin kum upa an pung nasa dawn tih a ni bawk a. Southern leh western India, central leh northeastern region-ahte chuan mihring an la naupang zawk tiin tarlan a ni bawk.
Southern region-ah chuan old-age dependency ratio chu national average aiin a sang zawk a, chutiang bawkin western India-ah pawh a ni tho bawk a ni.
Report chuan Covid-19 len laia kum upa-te enkawlna lama sorkar hmalakna te pawh an enfiah thu sawiin kum upa tena ngaihsakna leh chhawmdawlna an dawnte chu a tawk lo hle a, a tam berte chuan public healthcare facility pawh an pawh pha lo tia sawi bawkin, kum upa tena harsatna nasa an tawh theihna laka chhawmdawlna lam nasa zawka buaipui ngai a ni an ti bawk.
India ramah kum upa tena harsatna hrang hrang an thawh te data felfai a awm lo, ti bawkin hei vang hian tun hnaia National Sample Survey, National Family Health Survey, leh Census of India tena data an lakkhawm te chu nakin zela hman pawimawh tur a ni ang an ti bawk.
UNFPA report chuan sorkar chuan kum upate chhawmdawlna scheme-te nasa zawka a puanzar a ngai a, Old Age Homes te pawh regulatory purview-ah dahin chhawmdawlna hrang hrang a kalpui a ngai a ni an ti bawk.