E-roll atangin Tuikukte paih zo thuai turin thlen

Central YMA chuan Election Commission of India hnenah Tripura-a inbengbel tawh Tuikuk, Mizoram electoral roll atanga paih zo thuai turin a ngen.
Mizorama MLA intlanpui neih tura inbuatsaih dan endika rawn kal ECI senior election commissioner Dharmendra Sharma hnenah Central YMA hruaitute chuan chief election commissioner pek tur lehkha thehlutin, Mizoram atanga mahni duhthua Tripura-a pem Tuikuk-te Mizoram electoral roll atanga paih hna kalpui mek chu chak taka kalpui tur leh, kumin kumtawp lama Mizoram inthlanpui hma ngeia paih kim hman turin an ngen.
Senior EC hian Central YMA ngenna lehkha hi CEC hnena a lo pek tur thu a hrilh a. Central YMA hian ngenna lehkha copy hi Union Home secretary leh Mizoram chief secretary hnenah an pe a ni.