MLA inthlanpui neih tura inbuatsaihna hrang hrang endikin Election Commission of India atangin senior election commissioner Dharmendra Sharma leh a team-te chu Mizoramah an lokal. Ningani khan Aizawlah district 11 atanga district election officer (DEO) leh superintendent of police (SP) te kokhawmin inbuatsaih dan an sawipui a. Senior EC chuan ECI duh ber chu inthlan felfai leh thianghlim tak neih a ni, tiin, vote nei zawng zawngte vote thlak tura fuih bakah ralmuang taka mipuiin vote an thlak theihna’n dan kenkawh kawnga hmalakte chu pawimawh hmasa a ni tih a sawi.
Uchuak taka sum leh pai hman a nih lohna’n hma lak a ngai tih a sawi a. Mizoram chuan inthlan felfai tak a nei thin tih sawiin, India rama state ralmuang ber a nih angin, inthlanpui thianghlim, felfai leh ralmuang tak neih a nih theihna’n a hma la turin DEO leh SP-te chu a chah a ni.
District 11 zingah district panga DEO-te chuan presentation an pe a. Kum 2018 inthlanpuia an dstrict dinhmun tlangpui leh kumin inthlanpui atana inbuatsaihna leh harsatna an neihte an sawi. ECI chuan tanpui an ngaihna laiah tanpui an tum thu an sawi rualin, an duhkhawp lohna lai leh hmalak ngai laite DEO-te hi an hrilh a ni. District parukin vawiinah presentation an pe ve leh dawn a ni.
Senior EC Dharmendra Sharma bakah senior deputy EC Nitesh Vyas, deputy EC RK Gupta bakah senior principal secretaries, under secretary leh rirector te an tel a ni.
ECI hotuten Mizorama MLA Inthlan inbuatsaihna endik
Get real time updates directly on you device, subscribe now.
Prev Post