Central University ranking-ah MZU 13-na

Indian Institutional Ranking Framework (IIRF) in tehna hrang hrang a siama India rama university tha a thlanchhuahah, central university bikah Mizoram University chu 13-na a ni a, India hmarchhakah a sang ber.
IIRF hian kumin atana ranking a tihchhuah tharah Central University bikah hian Jawaharlal Nehru University, Delhi chu pakhatna a ni a. Tehna 7 – placement perfomance, teaching learning resources & pedagogy, research (volume income & reputation), industry income & integration, placement startegies & support, future orientation, external perception & international outlook ah te a teh a, heng zawng zawnga point an hmuh belhkhawm, overall score 1000 awm thei atangin JNU hian 983,12 a hmu a; Mizoram University hian 972.35 a hmu a ni.
Top 5 zingah – Banaras Hindu University, Varanasi chu 2-na niin, Aligarh Muslim University, Jamia Millia Islamia leh University of Hyderabad an awm a. Delhi University chu 6-na a ni.
Mizoram University hnungah hmarchhak lam atangin 14-naah Tezpur University (971.93 points), 15-naah North Eastern Hill University (971.51) leh 16-naah Rajiv Gandhi University, Itanagar Arunachal Pradesh (970.07) te an awm a. Top 20-ah hian Sikkim University (18-na) leh Assam University Silchar (19-na) te an lang bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More