ECM KTP inkhawmpui tan dawn

ECM KTP inkhawmpui tan dawn
Siaha district-a kohhran lian ber Evangelical Church of Maraland (ECM) hnuaia thlalai pawl – Krizypa Thyutlia Py (Kristian Thalai Pawl) chuan January 30 atanga February 2 chhung hian Siaha district-a New Laty-ah inkhawmpui vawi 63-na an hmang dawn.
ECM KTP inkhawmpuiah hian zanin – January 30 zan hi thlen kim zan niin, khawmpui palai lawmna inkhawm hman a ni dawn a. ECM KTP Hqrs president K Vabeitha chuan a kaihruai anga, ECM moderator Rev. K. Laichhua Azyu chuan inkhawmpui hi a hawng dawn a ni.
He inkhawmpuiah hian kohhran dang – Mizoram Presbyterian Kohhran, Mizoram Baptist Kohhran, Lairam Isua Krista Baptist Kohhran leh kohhran dang palaiin an telpui dawn a. Khawmpui palai hi mi 4000 chuang ni tura ngaih an ni.
Mizoram chhim lam fanga ZPM Gen. Hqrs. hruaitu, an president Lalliansawta hoa fehchhuak mek chuan ECM KTP inkhawmpui atan hian a thlengtu New Laty ECM hnenah puihna Rs. 5000 an hlan a ni.