Education department leh MSACS thawk dun dawn

ntrol Society (MSACS) leh School Education department chuan high school leh higher secondary zirlaiten an zirlai kara hriselna leh nunphung dik an zir tel theih nan thawhdunna tur inremna thuthlung an ziak.
Pawl 8, 9 leh 11 ten an zirlai bakah hriselna leh nunphung dik an zir tel theihna tura ruahman, Adolescence Education Programme (AEP) sawrkar laipuiin a ruahman chu hun engemaw chen Mizoramah kalpui a lo ni tawh thin a, tunah tharthawh leh turin School Education secretary Dr Lalzirmawia Chhangte leh MSACS project director Dr Lalthlengliani ten thawhdunna tur inremna thuthlungah hian hming an ziahhnan a ni.
AEP-ah hian sawrkar laipui Ministry of Health & Family Welfare leh Ministry of Human Resources & Development ten Ayushman Bharat hnuaia School Health Program an ruahman zulzuia kalpui tura ruahman a ni a. School Health Program kalpui tur hian National Health Mission (NHM) leh SCERT nen thawkho tura ruahman a ni. NHM hian sawrkar school lama hma an lak mek avangin tun tum thawhhona turah hi chuan private high school leh higher secondary school bik puala kalpuina tura ruahman a ni.