EFCI General Assembly hmang

EFCI General Assembly hmang
Evangelical Free Church of India (EFCI) Inkhawmpuilian leh rorelna sang ber, General Assembly vawi 53-na chu March 10-15 chhung khan Sielmat, Saikawt Presbytery Manipur-ah neih a ni. Thlarau lam thupui atan “Rinnaa ding nghet” (I Korinth 16:13) hman a ni.
Rorel palai mi 270 an kal thei a, probationary pastor thar 5 lain, thawktu pension mi 8 an awm.
Kum 2025 census dungzuiin EFCI kohhran member 52925 an awm a, tualchhung kohhran 311 leh kohhran In 10222 an awm. Hemite zingah hian kohhran thawktu ordained pastor 115, kohhran upa 755 leh missionary 190 an tel a ni.
Kumin hi kohhran hruaitu thenkhat thlan kum niin, kum 2026- 2030 chhung atanah Headquarters secretary hmun ruak pahnih luah turin Rev. Jessai L. Neitham leh Rev. Salem L Hmar thlan an ni a. Hemi rual hian kum 2026 & 2027 chhung atana General Assembly rorelna hruaitu (Assembly officers) thlan ni bawkin, moderator-ah Rev Jonathan Pudaite, vice moderator Rev Rohminglien Pakhuongte, Assembly secretary-ah Rev Jessai L Neitham leh Assembly assistant secretary atan Upa R Tawna Khawbung thlan an ni.
54th General Assembly chu nakum March-ah Senvon Presbytery Manipur-ah nghah a ni ang.