Election official-te inelna lawmman

Chief Electoral Officer office Mizoram buatsaih District-Level SVEEP and Media Competition leh Voter Turnout Competition result chu Nilaini khan puan a ni a. SVEEP-a titha berah Khawzawl district thlan niin, vote tla a that theihna atana booth level officer ho inelnaah Keifangtlang Polling Station BLO Lalhmingliana thlan a ni.
District Level SVEEP inelnaah hian district tinah district election officer-ten mipui hnena vote thlak pawimawh zia inzirtirna kawnga hma an lakna theuh chu tehfung hrang hrang hmanga teh a ni a. Voter turnout competition-ah hian vote tlak that zualna polling station 10 thlan chhuah niin, heng polling station bialtu BLO-te lawmman pek an ni.
District level SVEEP and Media competition-a 1-na Khawzawl district, 2-na Lawngtlai district leh 3-na Kolasib district a ni a. Rs. 30000, Rs. 20000 leh Rs. 10000 bakah leh chawimawina thuziak a keng tel.
Voter turnout competition-a lawmman dawngtu BLO-te leh voter percentage chu: 1-na Lalhmingliana, Keifangtlang PS (106.41%), 2-na Lalzawnzela, New Hruaikawn PS (100.00%), 3-na HC Lalawmpuia, Sekulhkai PS (97.73%), 4-na Lalthlamuana, Hmunthar PS (96.00%), 5-na V Laldinliana, Chhuahthum PS (93.14%), 6-na Podha Kumar Chakma, Damlui PS (92.34%), 7-na Joy Kanti, Tuikhurlui PS (91.01%), 7-na Lalbiakzawla, Chamdurtlang-II PS (91.01%), 8-na Krishna Sen Chakma, Nakdarasora PS (90.94%), 9-na Dennis Lalramchhana, Chamdur P-I PS (90.63%) an ni.
Lawmmanah Rs. 8000, Rs. 7000, Rs. 6000, a dang zawngin Rs. 5000 dawngin, chawimawina thuziak an dawng vek a ni.