Ella Langley “Choosin’ Texas” a Hot

Ella Langley hla hit “Choosin’ Texsas” chu Billboard Hot 100 (US singles) chart No.1-a kai thar leh ta a, he chart-ah hian a zawn lovin kar riata No.1 tling ta. Hetihrual hian Langley leh Morgan Wallen te duet pawh chart top 10-a a debuta, Noah Kahan pawh top 10-ah a lang bawk.
Billboard Hot 100 hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni. “Choosin’ Texas” hian stream maktaduai 26.6 leh radio airplay ngaithlatu maktaduai 44.7 bakah sales 8,000 nei lehin chart No.1 a kai thar leh ta a ni.
Chart No.1 hlui Bruno Mars “I Just Might” chu No.3 atangin No.2-ah a insawn thar ve leh ta bawk a, Olivia Dean “Man I Need” chu No.4 atangin No.3-ah a insawn a, Olivia Rodrigo “Drop Dead” chu kar khat a No.1 hnuah, No.1 atangin No.4-ah a insawn ta bawk.
Ella Langley hla dang “Be Her” chu No.5-ah bawk a la awm a, Olivia Dean hl dang “So Easy (To Fall in Love)” chu No.6 a rawn kai thar ve leh ta bawk.
Ella Langley leh Morgan Wallen te zai dunna “I Can’t Love You Anymore” chuan stream maktaduai 16.7 leh radio airplay ngaithlatu maktaduai 10.8 bakah sales 10,000 neiin, No.7-ah a debut a, tunkar chart top 10-ah Langley hian hla pathum a nei ta a ni. Heng hla pathum te hi a No.1 album “Dandelion” a hlate vek an ni.
Chart-a kar 10 No.1 ni thei, Alex Warren “Ordinary” chu No.6 atangin No.8-ah a tawlh a, he hla hi chart top 10-ah kar 52 a lang tling ta a, chart top 10-a kar 52 chin lang thei hla palina a ni.
Noah Kahan hla “Doors”-in stream maktaduai 17.8 neiin, No.9-ah a debut a, he chart top 10-a a hla lang thei pathumna a ni. He hla hi a album Febraury-a a tlangzarh ‘The Great Divide’ atanga a single a ni.
Chart top 10 khartu chu Kehlani ‘Folded’ niin, No.10-ah bawk a la awm.