Ella Langley “Choosin’ Texas”-in record siamin Hot 100-ah a la No.1
Ella Langley “Choosin’ Texas”-in record siamin Hot 100-ah a la No.1
Ella Lang hla hit “Choosin’ Teaxs” chu Billboard Hot 100 (US singles) chart-ah a No.1 a, he chart-ah hian kar 11 a No.1 tling ta a, country hla, hmeichhe sak zinga he chart-a No.1 ni rei thei ber a la ni. Kar kalta khan kar 10 a No.1-na niin, Debby Boone hla “You Light Up My Life” record a rawn nih rualin a, tun kar chart-ah a No.1 leh tak avangin Debby Boone kalsanin amahin record thar a siam ta a ni. “Choosin’ Texas” hla hi Hot Country Songs-ah phei chuan kar 29 a No.1 tawh bawk.
“Choosin’ Texas” hi Ella Langley hla he chart-a No.1 ni thei hmasa ber a ni a, kumin February thla khan a vawi khat nan a rawn No.1 a, han tawlh sawn chang te nei mah se No.1-ah bawk a kir leh thin a, March, April leh May-ah te pawh No.1 hi a kai leh vek, hetih chhung hian a kar lakah Bad Bunny “DtMF”; Taylor Swift “Opalite;” Bruno Mars “I Just Might”; BTS “Swim”; Olivia Rodrigo “Drop Dead”; Drake “Janice STFU”; Ariana Grande “Hate That I Made You Love Me”; leh Swift “I Knew It, I Knew You.” te pawh No.1-ah an lang hman bawk.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Ella Langley “Choosin’ Texas” hian kar khat chhungin stream maktaduai 25.5, radio airplay ngaithlatu maktaduai 48.2 leh sales 8,000 a nei leh a, hei hi a kar 11 nan chart-ah a No.1 pui leh ta a ni.
Taylor Swift “I Knew It, I Knew You” chu kar hnih a No.1 hnuah No.2-ah a tawlh ta a, Langley hla dang “Be Her” chu No.5 atangin No.3 a kaithar leh ta a, Olivia Rodrigo “Stupid Song” chu No.3 atangin No.4-ah a tawlh a, Rodrigo hla dang No.1 pawh lo ni tawh ‘Drop Dead’ chu No.4 atangin No.5-ah a tawlh ta bawk.
Chart No.1 hlui Drake “Janice STFU” chu No.7 atangin No.6 a kai thar leh ta a, chart No.1 hlui bawk Ariana Grande “Hate That I Made You Love Me” chu No.8 atangin No.7 a kai thar leh ta a, Olivia Dean “Man I Need” chu No.10 atangin No.8-ah a insawn ve leh ta bawk.
Ella Langley hla dang, Morgan Wallen nena an zaidunna “I Can’t Love You Anymore” chu No.14 atangin No.9 a kai thar leh ta a, tihian tunkar chart top 10-ah hla pathum neiin, Ella Langley hi hmeichhe zaithiam zingah tum khata he chart top 10-a country hla pathum lanpui thei hmasa ber a ni bawk.
Tame Impala leh JENNIE “Dracula” chu No.18 atangin No.10 a rawn kai thar leh ta bawk.