Tesla CEO, khawvela hausa ber Elon Musk, kum 52, leh Shivon Zilis, kum 38, te chuan an fa pathumna an neih thu an puang a, tihian Elon Musk hian fa 12 a nei tling ta a ni. Bloomberg Businessweek magazine-in Musk hian kum tir lamah fa a neih tawh thu an chhuah hnu lawkah Musk hian Shivon nena an fa neih thu hi puangin, “Kan thian leh chhungte chuan an hre vek. Press release siam loh vangin kan thup tihna a ni kher chuang lo,” a ti a, naute hi a hming leh mipa nge hmeichhia a nih tih pawh a puang ta chuang lo.
Shivon hi Musk-a companu Neuralink hnuaia special project director a ni a, fa pahnih, phir, mipa leh hmeichhia- Strider leh Azure, kum 2, an nei tawh a, IVF hmanga an neih a ni.
Musk hian a ex Grimes nen fa pathum X Æ A-Xii, kum 4, Exa Dark Sideræl, kum 2, leh 2023-a a pian thu a nemngheh tak chauh Techno Mechanicus te a nei tawh a, a nupui hlui Justine Wilson Musk nen fa paruk an nei tawh bawk.
Elon Musk-a’n fa 12 nei ta
Get real time updates directly on you device, subscribe now.
Prev Post
Next Post